الرئيس السيسي: "ما أخدناش جنيه من الدولة للعاصمة أو العلمين الجديدة"
رد الرئيس عبد الفتاح السيسي رئيس الجمهورية على أحد الشباب المشاركين في المؤتمر الوطني للشباب، بشأن امتلاكه تصورًا لدعم الدولة.
المصريون تحملوا الكثير
وأضاف الرئيس السيسي خلال كلمته في المؤتمر الوطنى للشباب فى الإسكندرية: "ما تقوليش خد التصور ده اشتغلوه، لأ أنت تيجي تشتغل معانا، وأي حد هيقدر يفيد البلد بنرحب بيه".
وتابع الرئيس السيسي في حديثه: "أي حد هيقدر يقدم حاجة لبلدنا وأنا أرفضه أبقى خاين، وأي حد يقدر يحط طوبة هاسقفله، بس على مهلكم على نفسكم مش عليا، أنا ربنا أراد إني أكون هنا ومكانتش إرادتي أنا، لإني كنت عارف حجم المشاكل اللي فيها مصر، وعارف إن قدرة الناس على التحمل ليها مدى، لكن كنت متصور إن المصريين مش هيستحملوا، لكن الحكمة العجيبة إنهم استحملوا، دول جدعان أوي، وأثبتوا ده اللي قدمت شهيد واللي قدمت مصاب، وتقولي عندي كمان شاب خده".
العاصمة الإدارية والعلمين الجديدة
وأوضح الرئيس السيسي في كلمته: "الظروف الاقتصادية اللي إحنا فيها اللي متحمله كل المصريين، وأنا عمري ما اتكلمت وقولت إن الدنيا كويسة، أنا قولت إن البلد دي عاوزة شغل من نار، وإننا عاوزين نشتغل ليل ونهار".
وقال الرئيس السيسي: "كتير من الدول بتقولنا إنتوا عملتوا إزاي اللي وصلتوله ده لإن ظروفكم ما تسمحش أصلًا، لكن العاصمة الإدارية فكرة، وما أخدناش جنيه من الدولة في العاصمة ولا العلمين الجديدة، العاصمة دي فكرته إننا نعمل الأرض التراب فلوس، أنا ما عنديش غير الفكرة".
