السيسي للمصريين: "لو كنت خوفت كان زمانكم كلكم في خراب ودمار.. اوعوا تنسوا"
أجاب الرئيس عبد الفتاح السيسي، على تساؤل حول توقعاته للحوار الوطني وأهم النتائج التي يحب أن ترفع إليه لإقرارها.
وأضاف الرئيس السيسي، خلال كلمته على هامش فعاليات المؤتمر الوطني للشباب بالإسكندرية، اليوم الأربعاء، أن الحوار الوطني خطوة في بناء الدولة وليست نهاية المطاف، مشيرًا إلى أنه حريص على تسجيل الماضي، معقبًا:"لو ربنا نجاكم مرة متستنوش أنه ينجيكم كل مرة، كان ممكن يبقى كثير من المصريين رايحين على دول تانية والفضل هنا لله مش لحد"، معقبًا: "الناس بتستغرب لما بقول كده، ده ربنا اللي نجى المصريين، ده اللي عمل الانتخابات وجاب الناس مين أنا اللي جبتهم ردوا عليا، مش انتو عملتوا حالة أفرزت والدولة فكت والأساس لم يعد موجود، والبرلمان جاب اللي انتو شفتوا مرضتوش ليه؟".
وتابع الرئيس السيسي،: "عملتوا انتخابات رئاسية جابت خراب في خراب، علشان تتخلص من الخراب ده اكمن ما شوفتش تداعياته جاي تطلب كل حاجة كاملة وكأن البلد مكنتش في أزمة كبيرة جدًا"، مردفًا: "أنا مبخفش أبدًا.. لو كنت خوفت كان زمانكم كلكم في خراب ودمار في البلد دي إوعوا تنسوا مش تقولي الحوار هيوصل لإيه أنت بتطلب الحد الأقصى في كل شيء ليه، الدولة تحتاج 2 تريليون دولار سنويًا معاك المبلغ ده".
