السيسي: هناك تخطيط يقوم به علماء وأساتذة جامعة ومتخصصين (فيديو)
أكد الرئيس عبد الفتاح السيسي، أن الإسكان يمثل أحد المشاكل المزمنة بالنسبة لمحافظة الإسكندرية وهناك 300-400 ألف وحدة سكنية غير صالحة للمعيشة، تكلفة هذه الوحدات لتوفير إسكان بديل على الأقل 150 مليار جنيه.
وأضاف الرئيس السيسي، خلال كلمته على هامش على هامش فعاليات المؤتمر الوطني للشباب بالإسكندرية، اليوم الأربعاء، أن كثير من المواطنين يتحدث عن غلاء الغذاء ولكن بناء الدولة تاريخ طويل، "كان محور المحمودية شكله عامل إزاي وكانت الناس راضية وساكته، يعني نخليه كده وناكل ولا أشيله ونخليه زي ما انتو شايفينوا دلوقتي وتبقى الدنيا صعبة شوية؟!، أسيب الناس مرمية في الشوارع ونايمة في الصفيح وناكل ولا اشيل الناس واسكنهم في بشاير الخير والدنيا تبقى غالية شوية ردوا عليا".
وتابع، أن جميع الاهالي كانوا يشكون من هدم المساجد خلال تطوير محور المحمودية، مردفًا: "يا سيدي هنرجع الجوامع والكنائس بس هنعملها صح".
وأردف ضاحكًا: "بيقولوا البلد بتحب الطرق، انتو مش واخدين بالكم يعني ايه بلد ولا إيه؟، البلد حاجة تانية خالص، فيه تخطيط يقوم به علماء وأساتذة جامعة ومتخصصين يضعوا تصور للدولة لو أمكن تنفيذه يبقى خير وإلا يصبح خطط على ورق".
