أول تعليق لمشجع الزمالك في المغرب.. ومفاجأة عن لقائه ببعثة الأهلي بالمطار
روى الدكتور مصطفى عبد الخالق، مشجع الزمالك في المغرب، تفاصيل الواقعة، قائلًا: “أنا متوصي من صحابي إني أقول كلام كويس على المباراة لأن أغلبيتهم أهلاوية، ونسبة الأهلاوية في مصر 80%، والزمالكاوية 20%”، متابعًا: “كنت بشجع الأهلي لحد رابعة ابتدائي وبكره أم كلثوم، وبعدها عشقت أم كلثوم وعشقت الزمالك”.
وأشار “عبد الخالق”، خلال مداخلة تليفونية مع برنامج “حديث القاهرة”، المذاع على فضائية “القاهرة والناس”، إلى أنه حجز تذاكر للمغرب منذ أكثر من شهر بمساعدة دكتورة مغربية لحضور حفل زفاف ابنتها، متابعًا: “بقالي كتير مأخدتش إجازة من الشغل، وفي الشغل قالولي غور في داهية خد إجازة أخدتها أسبوع وروحت المغرب”، مستكملًا: "أتحدى أي حد يقول إني قولت في الفيديو بتاعي أي حاجة تخص لاعب للأهلي، أنا كنت بوجه كلامي لناس من الوداد، أنا بكره الأهلي ومبحبش الأهلي، والوحيد اللي وجهت ليه كلام هو كابتن سيد عبد الحفيظ لأنه قالي "انتي بترقصي حلو أوي" قولتله "الوداد هيرقصكوا"".
وأضاف: “الوداد والزمالك ليهم حق يحبوا بعض ويساندوا بعض، أنا موهوم بشيكابالا والوحيد اللي بتفرج عليه، أنا مش مجنون كورة زي ما بيقولوا، والحديث الوحش عن شيكابالا هو اللي عصبني، خسرت ناس كتير بسبب الموضوع ده”.
وتابع: "بعدها قاعد في المطار لقيت بعثة الأهلي جاية بترقص نحوا في المطار، وزي ما خيري رمضان بيقول بيعملوا الجلاشة، أنا مبصتش لحد فيهم ولا كلمت حد فيهم ودي حريتي، فيه لاعب جه وقف ورايا وعمل حركات مش كويسة، وربنا خلاني بارد أوي ومقومش، ولاعب تاني قاله اعمل فيه حاجة وحشة، شتموني شتيمة يعاقب عليها القانون، طلبت من لاعب يعتذرلي لأنه هيكون في سن ابني لو متجوز، وضحكوا عليا، أنا اتهزقت تهزيق عمره ما حصلي، وابن أحمد شوبير طلعلي لسانه ونادي الأهلي نادي المبادئ والقيم سكتله".
