عمرو أديب يفتح النار على مرتضى منصور: "مش بناكل من بيت أبوك"
عقب الإعلامي عمرو أديب، على وضع نادي الزمالك خلال الفترة الأخيرة، قائلا: "أنا كزملكاوي مبقاش يهمني مرتضى منصور يقعد أو يمشي، اللي يهمني أن النادي يقعد، النادي ممكن ميقعدش".
وأشار أديب، خلال برنامج "الحكاية" المذاع عبر فضائية "إم بي سي مصر"، مساء السبت، إلى أن الفترة الماضية كان مرتضى منصور هو فقط من يتحدث، معلقا: "هى عزبة.. دي دولة وعايزين نفهم هيحصل إيه، خلاص مرتضى أخد النادي واختطفه هو وأولاده".
وقال إن نادي الزمالك عريق وتاريخي و"اختطف"، ونريد أن نفهم ماذا يحدث داخل النادي، ولماذا أصبحنا في الحضيض؟، معلقا مستنكرا: "وهو ماشي يقولنا شوفوا هتاكلوا منين.. ليه هو إحنا بناكل من بيت أبوك".
وأضاف، "إحنا عندنا نادي في مهب الريح، إحنا بنسمع التفاصيل من مرتضى منصور فقط.. وهل المجلس الموجود له رأي ويمثل النادي"، واصفا نادي الزمالك بـ الصندوق المغلق في منزل مرتضى منصور، متابعا: "إحنا بنتكلم عن نادي آخر بيعمل الفرع الرابع، وإحنا مش عارفين نعمل الفرع التاني، رئيس النادي المعزول بيقول للموظفين شوفوا هتجيبوا مرتباتكم منين".
