تامر أمين للفنانين بعد ملابسهم الشاذة: "ماتقطعوش الشعرة اللي فاضلة مع أولادنا"

وجه الإعلامي تامر أمين انتقادًا حادًا لعدد من الفنانين الذين اتجهوا لارتداء ملابس شاذة، قائلًا: "سؤالي للعاملين في مجال الفن: ايه علاقة الفن بالخلع والشفتشي؟ سؤالي لكل مشهور في أي مجال: ايه علاقة إنه كل ما تزيد شهرتي باني لازم أكون شفتشي أكتر؟".

ملابس مكشوفة

وقال الإعلامي تامر أمين، خلال حلقة اليوم الإثنين، من برنامجه "آخر النهار"، المذاع عبر فضائية "النهار": "فهمونا يمكن احنا متخلفين أو متزمنين.. أو يمكن أستغفر الله العظيم ـ بنخاف ربنا أكتر!".

وتابع: "زمان كنا بنعتب على الفنانات لما يلبسوا فساتين مكشوفة، وكانوا بيسموها فستان ساخن، والحقيقة هو فاضح وليس ساخن"، مضيفًا: "البسوا واتشيكوا لكن احترموا مجتمعنا وقيمتكم في فنكم من فستانكم.".

رسالة لأحمد سعد

واستطرد: "عمري ما كنت أتخيل اني هوجه نفس السؤال في 2023 للرجالة برضو"، موجهًا حديثه للفنان أحمد سعد بشكل خاص، قائلًا: "أبو حميد انت عارف أنا بحبك ازاي.. وبحب فنك وصوتك وبحب الفاتحة الحلوة اللي ربنا فتح ربنا بيها عليك في آخر سنة وحد وشه حلو دخل في حياتك.. ايه علاقة النجومية باللبس ده.. كان فيها ايه لو كم الجاكتة كمل؟ ومين قالك ان دي الموضة؟ ومين قالك إنه مجتمعاتنا العربية حابة ده؟ وفي السعودية!!".

مدير أعمال أحمد سعد: "لم نتلقى اي عروض من النادي الأهلي لتقديم حفل غنائي"

أحمد سعد يتصدر تريند تويتر لهذا السبب

ما تقطعوش الشعرة اللي فاضلة لينا

واستعرض تامر أمين صورًا لعدد من الفنانين الذين ارتدوا ملابس مكشوفة، منهم عمرو سعد وأحمد مجدي وويجز ومحمد رمضان، موجهًا رسالة لهم قال فيها: "متأكد إنه رجالتنا مايقصدوش!! وما يقصدوش يدعموا اتجاهات مش مظبوطة… نسوا انهم نجوم وقدوة لأولادنا.. مش عايزة الموضة الملعونة دي تنتشر.. مش كل اللي بيجي من الغرب يسر القلب.. من فضلكم ما تقطعوش الشعرة اللي فاضلة لينا من الأخلاق مع أولادنا".