عمرو أديب تعليقا على مهاجمة الشيخ ممدوح عامر: "مؤشر التوحش بدأ يزيد"
علق الإعلامي عمرو أديب، على الجدل المثار بسبب رقص وغناء القارئ ممدوح عامر في فرح أخيه، قائلًا: “أولًا مصر بلد المقرأين، والقارئ صوته حلو جدًا بحكم إني سمعته قبل الفقرة”.
المسألة ليست من أولويات المجتمع
وتابع “أديب”، خلال تقديم برنامجه “الحكاية”، المذاع على قناة “إم بي سي مصر”،: “فرح أخوه وغنى شوية رقص شوية مش قلة أدب، مين انت علشان تقول انت غلطان وانت صح ولا انت غلط، فين الرحمة والتقدير، وهل ده من الأولويات ولو صح هيحيي المجتمع”.
المصريون يكسرون القواعد في الأفراح
واستكمل: “ده فرح والراجل بيجامل أخوه، وحولوه للتحقيق، بقى عندي احساس إن نص مصر محالة للتحقيق، أنا مع القيم والمبادئ، ولكن ده بيجامل في مناسبة، إحنا كمصريين في الأفراح بنكسر القواعد”.
المصريون قلب العالم العربي
وأضاف الإعلامي،: “أرجو بس التفكير إنه بني آدم، فين الرحمة والقلب الحنين والطبطبة بتاعة المصريين، والاحتواء، ده إحنا عايش معانا هنا عالم بنحتويه، ابتدى مؤشر التوحش يزيد شوية، الراجل مأجرمش بشويش عليه وقولوا كلمة حلوة، اي حاجة يعني، ده المصريين قلب الطبطبة وقلب العالم العربي”.
