عاجل.. أول تعليق من والد لاعب المصارعة بعد توجيه السيسي برعاية نجله
علق فؤاد بغدودة، والد لاعب المصارعة أحمد فؤاد بغدودة، على قرار الرئيس عبد الفتاح السيسي بتوجيه الأكاديمية الوطنية للتدريب برعاية نجله بعد اختفائه من معسكر المنتخب في تونس أثناء المشاركة في أحد البطولات.
وقال "بغدودة" في اتصال هاتفي مع الإعلامي عمرو خليل ببرنامج "من مصر" المذاع على فضائية "سي بي سي" اليوم الأربعاء، "فرحة كبيرة وبشكر الرئيس على المجهود وأنا كنت متأكد أن الرئيس هيدخل ومش هيسيب ابنه".
وأضاف "الرئيس تدخل وإحنا أفضل وده ممكن يرجعلي ابني تاني دي بلدنا اللي اتربينا فيها وعيشنا فيها وهندفن فيها ويارب لما يتواصل معايا يكون فيه خير".
وتابع "أنا لم أتواصل مع ابني ولم أطمئن عليه حسب المصادر اللي جتلي أنه في فرنسا، بقالي من يوم السبت حتى وقتنا هذا مسمعتش أي حاجة ويارب يتواصل معايا والدولة وقفت معانا ويارب يكمل على خير ونفسي ابني يبقى في حضني ويكون فخر لمصر واللي يعرف أي حاجة عن ابني يبلغه ويتواصل معايا".
