مشادة كلامية حادة بين أستاذ الجهاز الهضمي وخبير بالحجامة على الهواء
نشبت مشادة كلامية حادة، بين الدكتور هشام الخياط أستاذ الجهاز الهضمي والكبد، وبين ياسر سعودي خبير بالحجامة، بسبب إصرار الأخير على أن الحجامة هي سنة عن الرسول صلى الله عليه وسلم وتستخدم في علاج الكثير من الأمراض.
وقال "هشام الخياط" في حواره مع الإعلامية عزة مصطفى ببرنامج "صالة التحرير" المذاع على فضائية "صدى البلد" اليوم الأربعاء، إن الحجامة عبارة عن جهل وخرافة والعمل بها ضد الدين، موجهًا حديثه إلى الأستاذ ياسر "شوف لحضرتك شغلانة تانية".
وأضاف "أحد المشاهير كان بيتعالج عندي من ضغط الدم وحد لعب في دماغه علشان يتعالج بالحجامة وامتنع عن الأدوية حصلوا ا نزيف في المخ وغيبوبة وهو دلوقتي مشلول".
وتابع "أرجوك شوف حاجة تانية واعمل كاسات هواء مثل المساج ولكن من غير تشريط وربنا يزود رزقك من غير تشريط خليها نوع من المساج".
واستطرد "مازالت مصر أنها جهل وخرافة وضد الدين وأرجو أن هذا الأمر يقنن لو هيتعمل على أنه مساج لأنه كلام خطير جدًا لو عايز تسترزق ولكن اللي يعمل تشريط ويعالج أمراض يجرم وأنا لا يمكن أعمل حاجة زي كده".
من جهته أصر ياسر سعودي في لقائه البرنامج، على العمل في الحجامة وأنه مستمر في العمل بها عن اقتناع.
