المنتج محسن جابر: "أملك كل تاريخ عمرو مصطفى.. وأنا اللي اكتشفته"
علق المنتج محسن جابر، رئيس مجموعة شركة مزيكا، على أزمته مع الفنان عمرو مصطفى، قائلًا: “أنا أملك كل تاريخ عمرو مصطفى، وأنا اللي اكتشفته، وحبي لعمرو مصطفى ميمنعنيش إني أختلف معاه، أنا اختلفت معاه كتير”.
وتابع “جابر”، خلال مداخلة تليفونية مع الإعلامية لميس الحديدي، ببرنامج “كلمة أخيرة”، المذاع على فضائية “أون”،: “اندفاع عمرو مصطفى بيوتر الدنيا وبيزعل فنانين كتير منه، أنا مش بتاع مهرجانات، وليس لدي علم بما يقوله عمرو مصطفى، ولو رفع عليا قضية هكسبها، ورفع عليا قضايا قبل كده وكسبها”.
واستكمل: “أنا كنت باخد أغاني منه وهو ميعرفش مين اللي هيغنيها، ولما خدت أغنية خليك فاكرني مكنش عارف إن عمرو دياب اللي هيغنيها، وأنا برئ مما يدعيه براءة الذئب من دم ابن يعقوب”.
