السيدة المتبنية لـ "لقاء" تفجر مفاجأة بعد وفاتها
كشفت منال جمال، السيدة التي تبنت "لقاء" منذ عامين، تفاصيل حياة “لقاء”، الملقبة بـ “فتاة فيصل”، قائلة: “كنت معدية في الشارع بعربيتي بالصدفة لقيتها في الشارع والشباب بيغلسوا عليها وبيشدوها من جسمها، وحكتلي قصة حياتها إن والدها مشاها وهي عندها 11 سنة وقعدت في ميدان التحرير وبعدها أسرة ودتها الدار”.
زواج لقاء بعد عمر 18 عامًا
وتابعت “جمال”، خلال مداخلة تليفونية مع الإعلامي خيري رمضان، ببرنامج “حديث القاهرة”، المذاع على فضائية “القاهرة والناس”،: "تزوجت بعدما أكملت عمر 18 عاما، وزوجها معرفش يتأقلم معاها لأن فيه شباب اغتصبوها في ميدان التحرير وهي عندها 11 سنة وكان عندها صدمة، وجوزها سابها وسافر السعودية، وهي هربت
لقيتها واحدة بنت حرام وخليتها مدمنة واستغلتها جنسيًا، ثم هربت منها وأنا لقيتها وكلمت وزارة التضامن الاجتماعي وجم خدوها تاني يوم، وفضلت على تواصل معاها".
وفاة طفل لقاء بسبب الإيدز
واستكملت: “لقاء اعترفت لي إنها عندها طفل وسايباه عند ناس كويسة في شبرا وبتروح تشوفه، وقالوا إن الولد اتوفى بسبب نقل مرض الإيدز له”، مضيفة: “لقاء كانت حافظة قرآن وأحاديث وكان نفسها تبقى كويسة وتصلي، دخلتها مصحة على حسابي وعملت مشنقة لنفسها في السقف وكانت عايزة تموت نفسها وهربت، وبعدها راحت لوالدها، وبعدها هربت تاني بعد مشاكل معه”.
