لبلبة: عادل إمام ميتكررش في الدنيا دي
وجهت الفنانة لبلبة، التهنئة للفنان عادل إمام بمناسبة عيد ميلاده الـ 83، مشيرة إلى أنه صديقها وتحبه كثيرا وأفضل أيام عمرها كانت معه.
أذكى فنان ومدرسة كبير
وقالت "لبلبة"، خلال مداخلة هاتفية ببرنامج "مساء dmc"، المذاع على قناة dmc: "يا زعيمنا يا حبيبنا، أنا أحلى أيام قضيتها معاك.. عادل إمام ميتكررش في الدنيا دي، ربنا أداله موهبة كبيرة، وبشوفه أذكى فنان ومدرسة كبير، لما بشتغل معاه ببقى متاكدة أن كل حاجه متنظمة لأنه دقيق جدًا في شغله وأتعلمت منه ازاي أختار أدواري وازاي أفكر في سيناريو وأدواري تبقى مختلفة عشان كده عاش عادل في قلوب الملايين طول السنين دي".
هدفه الدائم يبسط الناس
وأضاف: "عادل إمام علمني ازاي لازم الإنسان يغير في أدواره عشان يبقى متجدد في عيون الناس، لأن هدفه الدائم أنه يبسط الناس وأبدع فيها.."لما كنا بنعمل فيلم مع بعض وبروح أتفرج عليه في السينما كنت بقعد وسط الناس في الصالة متخفية، عشان أشوف رأي الناس وكان بعدها يتصل بيا يقولي قوليلي الناس كانت مبسوطة ولا ايه، لأنه كان يهمه فرحة الناس وأنه ينسيهم همومهم".
