طبيب الخير بالشرقية: "مبحبش كلمة طبيب الغلابة.. وده أقل واجب لأهل بلدي" (فيديو)
أعرب الدكتور محمد محمود حفني، طبيب الباطنة بالشرقية، عن رفضه لوصفه بطبيب الغلابة، مؤكدًا: "إحنا كلنا غلابة مبحبش كلمة طبيب الغلابة".
وأضاف "حفني"، خلال تقرير لبرنامج "صباحك مصري" المذاع عبر فضائية "MBC مصر 2"، اليوم الإثنين، أن بلده بلبيس لها فضل كبير عليه، وعايش في خيرها وما يفعله أقل واجب يؤديه لأهله وناسه، مشيرًا إلى أنه بدأ عمله كطبيب بالكشف بجنيه واحد فقط، ولا يوجد بينه وبين المريض حجاب، معقبًا: "مفيش حد بياخدلي الكشف بره، المريض يدخل ياخد حقه ويدفع اللي يدفعه مش باخد أكتر من 20 جنيه، دي حاجة بيني وبين ربنا وبيني وبين المريض".
الخير في بلدنا كتير
وأردف طبيب الباطنة،: "ممكن أنا أكسب فلوس كتير وولادي يبقوا وحشين أو صحتي وحشة، أنا عمري أكبر من 65 عاما، وأسكن في شقة إيجار في الدور الخامس، ولا أملك سيارة، وقدرتي على الصعود للدور الخامس نعمة من الله، لافتًا إلى أن بعض المرضى لا يستطيع دفع قيمة الكشف نهائيًا، وبعض اهل الخير يقوموا بإحضار الأدوية له لتوزيعها على المرضى، وناس بيدوني مبلغ يقولوا متاخدش من الناس الفقراء كشف، معقبًا: "الخير في بلدنا كتير".
