خالد الجندي: لولا ضوابط وزير الأوقاف الحاسمة لاستمرت فوضى المنابر (فيديو)
أشاد الشيخ خالد الجندي، عضو المجلس الأعلى للشئون الإسلامية، بالضوابط التي وضعها الدكتور محمد مختار جمعة وزير الأوقاف الحاسمة بشأن تنظيم وانتظام الحركة الدعوية.
وقال "الجندي" خلال تقديم برنامجه "لعلهم يفقهون" المذاع على فضائية "دي إم سي" اليوم الخميس، "هناك فرق بين الإمام الراتب والإمام الذي لديه تصريح فالإمام الراتب هو من يتقدم".
وأضاف "لولا الضوابط القاسية الحاسمة التي لا يسمح بها بأي ضوابط كنا بنلاقي ناس ينزلوا بعض من على المنابر، أو اثنين من الأئمة يضربوا بعض وفيه ناس بطلت صلاة من هذا المشهد".
وتابع "كنا بنشوف مهازل تلاقى إمام واقف على المنبر وآخر تحت ده بيقول خطبة والتاني في نفس الوقت بيخطب، والناس بتضحك عليه، غير الخناقات على من يخطب".
وأكمل "دلوقتى تدخل المسجد تلاقى إمام المسجد المعروف بالإمام الراتب، هو قائد المسجد، هو اللي يحدد مين يعمل إيه هو اللي يخطب ويأم الناس في الصلاة".
وأردف خالد الجندي "ولو مش موجود بيحدد مين اللي يقوم بمكانه، خلاص انتهت المهازل اللي كانت بتحصل".
