أحمد موسى منفعلًا: "محدش يضغط على مصر ونجيب سلاحنا من أي حتة" (فيديو)
انفعل الإعلامي أحمد موسى، على الهواء بسبب رفض الولايات المتحدة الأمريكية عودة سوريا إلى الجامعة العربية وحضورها للقمة العربية المقبلة.
وقال "موسى" خلال تقديم برنامجه "على مسئوليتي" المذاع على فضائية "صدى البلد" اليوم الأربعاء، "أين المجتمع الدولي من عشرات الآلاف من الإرهابيين في سوريا".
وأضاف "النهاردة وزير خارجية روسيا قال إن أمريكا بدأت في تشكيل ما يسمى جيش سوريا الحرة مش عايزين سوريا ترجع وعايزة الإرهاب ينتشر وتهديد أمن واستقرار الدول العربية".
وتابع "كان فيه تنظيمات إرهابية تأتي من سوريا إلى سيناء، أمريكا لا تريد أي استقرار للدول العربية وهي تكذب ساعات الليل والنهار والله ما عايزين استقرار ولا يريدون أي جيوش".
وأردف "أنا أروح لألمانيا أو الصين أو روسيا علشان أجيب السلاح، هو أنت هتضغط عليا محدش أبدا يضغط على مصر، مصر أمامها المجال مفتوح مع أي دولة تجيب سلاحك من أي حتة تديك السلاح اللي أنت عايزه".
واستطرد "بنروح للروس ليه لما كنت بتديني سلاح مش هنستناك هو إنت كنت عايز ايه واحنا بنواجه الإرهاب علشان كده ربنا بيكرمنا أمريكا قادرة تخلص ولكن مش عايز يخلص علشان فيه مصالح".
