عاجل.. محمد موسى يوجه رسالة شديدة اللهجة لـ "سمية الخشاب": "هتخربي عقول البنات"
فتح الإعلامي محمد موسى، النار على الفنانة سمية الخشاب، بسبب تدوينة لها عبر صفحتها بموقع التواصل الاجتماعي تويتر وتوجيهها نصائح للفتيات مدعية أن "الجواز والخلفة مش إنجاز".
وقال محمد موسى خلال تقديم برنامج "خط أحمر" على قناة الحدث اليوم، “عايز أقول للحاجة سمية الست في بيت جوزها مش بتخدم الست في بيت جوزها بتكون في بيتها وهي سيدة بيتها لو إنتي مش عارفة كده اعرفي لأن كلامك ده باختصار رسالة تخريب لعقول البنات.. وحكاية أن الحب مبيأكلش عيش اللي بتقوليها للبنات.. ده كلام أجوف وكلام ممكن نقوله وإحنا بنعمل صفقة ولا مشروع استثماري مش والناس بتتجوز”.
وتابع: "الحقيقة العلاقة اللي إنتي بتتكلمي عنها وعايزة البنات تاخد بها من خلال نصايحكم اللي الناس في غنى عنها دي اسمها علاقة نفعية ومادية بحته وحكاية إنك بتقولي أن الجواز والخلفة مش إنجاز.. ده رأيك في حياتك وتجاربك الشخصية فبلاش تعممي تجاربك الناجحة أوي دي على الناس لأن الحقيقة لا أعتقد أن تجاربك ممكن تكون نموذج البنات تحتذى بها.. بجد ضروري الكل يروح يكشف على صحته النفسية.. بجد كفاية اللي بتعملوه في الناس والمجتمع من خلال تصدير مفاهيم غير مدروسة بتلخص تجارب فاشلة".
