أحمد موسى يكشف تفاصيل رسالة طالب مصري في السودان يروي مأساته وسط الاشتباكات
كشف الإعلامي أحمد موسى، عن تفاصيل رسالة تلقاها من أحد الطلبة في السودان والذي عبر من خلالها عن حالة الرعب التي يعيشها السودانيين والمقيمين بسبب الاشتباكات الحالية بين الجيش السوداني وقوات الدعم السريع.
وقال "موسى" خلال تقديم برنامجه "على مسئوليتي" المذاع على فضائية "صدى البلد" اليوم الثلاثاء، "تواصل معايا أحد الطلبة وقال رسالة هي معبرة عن الدول لما يحصل عندها فوضى قال أتمنى أرجع بلدي امبارح أو دلوقتي قبل بكرة وبعده".
وأضاف "الطالب قالي لا تتخيل إحنا في رعب أن في أي وقت ممكن تموت مفيش أكل والمحلات مقفولة والكهرباء تأتي ساعة أو ساعتين في اليوم بكتير، لما يعطوا هدنة فيه ناس نزلوا اشتروا حاجات لليوم ومش عارفين الموضوع هيكمل لغاية فين".
وتابع "أصعب لحظة لما يكون الإنسان محاصر بين أربع حيطان وهو قاعد فيهم ممكن يموت والناس حواليك من كل حتة مضادات للطائرات في وسط المنازل والسكان، وطالب الناس في مصر نحمد ربنا على اللي إحنا فيه، الأزمة الآن أنه فيه حرب شوارع وإحنا بقينا بنقسم الأكل مبقاش عندك رفاهية المهم تلاقي حاجة تفطر عليها أقل شيء وهذا الوضع الحالي مأساة كبيرة تجري في السودان".
