السيسي لأهالي حي الأسمرات: "محدش فينا فقير ومحدش له فضل عليكم وإنتوا أهلي" (فيديو)
وجه الرئيس عبد الفتاح السيسي، رسالة خلال مشاركته في حفل إفطار الأسرة المصرية الذي أقيم في حي الأسمرات.
وقال الرئيس السيسي "أنا كنت المفروض أرحب بكم وأقولكم كل سنة وأنتوا طيبين جميعًا رمضان كريم وأقول للأشقاء المسيحيين وأهلينا كل سنة وانتوا طيبين لأنهم صايمين زينا".
وأضاف "إحنا كنا بنحلم بالموضوع ده وربنا أراد وكل ما هتعملوا أكثر مع نفسكم وأولادكم هتخلوا الحلم له معنى كلنا ولاد مصر وبالمناسبة عايز أقولك على حاجة محدش مننا له فضل عليكم وهذه الفلوس فلوس مصر".
وتابع "أنا بقوله علشان كل الناس اللي بتسمعنا محدش بيجيب حاجة من جيبه أن كل اللي بنعمله أنتوا تحب بعض أكثر وتساعدوا بعض أكثر علشان ندفن كل اللي فات ونبص لقدام وولادنا ولينا".
واستطرد "محدش فينا فقير وإنتوا مع بعض وإحنا معاكم وصدقيني لما بتكلم مع المسؤولين بقولهم عايزين نعمل برامج مخلصة تكون من قلبنا علشان إنتوا أهلنا وأنا بتشرف أن إنتوا أهلي".
وأردف "أنا رجل بسيط وإنتوا أهلي وده شرف ليا والبركة لربنا والشكر موصول لله أنه ساعدنا ووفقنا أننا نعمل كده الحمد ليس كلام ولكنه مسار وطريق نمشي فيه ونعظم كل حاجة موجودة معانا".
