أحمد موسى بعد هزيمة الزمالك بكأس الرابطة: "موسم كارثي ولاعيبة مستهترة"
علق الإعلامي أحمد موسى، على الهزيمة الثقيلة التي مني بها الفريق الأول لكرة القدم بنادي الزمالك، من البنك الأهلي في كأس الرابطة، قائلًا "موسم كارثي وصعب على الزمالك وجماهيره".
وقال "موسى" خلال تقديم برنامجه "على مسئوليتي" المذاع على فضائية "صدى البلد" مساء اليوم الأحد، "في مباراة البنك الأهلي ونادي الزمالك من يديروا المباراة أكيد شايف مين كويس ومين مش كويس، ولكن اللي حصل في المباراة وإحراز البنك الأهلي لـ3 أهداف في 7 أو 8 دقائق وكأن الزمالك بيلاعب فلامنجو أو البايرن".
وأضاف "مبتحصلش يا جماعة المصيبة اللي حصلت للزمالك مع احترامي للبنك الأهلي ولاعيبته ومجلس إدارته، أنت كمدير فني ومسؤول بتطع 3 أو 4 لاعيبة اللي كانوا بيلعبوا كويس نيمار وسيف جعفر، وبعد ما تخرج متعادل في الشوط الأول صفر صفر تنزل متراجع مش شايف أنك بتلعب مباراة كأس أنت تتغلب فتخرج موسم كارثي وصعب عليك ده بسبب الراجل اللي قاعد بره اللي بيديره الماتش".
وتابع "دخل في الزمالك 3 أهداف خلال 6 أو 7 دقائق، أنا ملحقتش أخذ نفسي أثناء مداخلة بصينا لقينا دخل الجون الأول والثاني والثالث هو فيه كده يا جماعة اللي حصل النهاردة، لاعيبة الزمالك عندهم استهتار كان ممكن يخلصوا الشوط الأول ولكن لاعيبة مستهترة رغم أن عندك جمهور مستنيك أنك تغلب وتفوز بكأس الرابطة".
واستطرد "هذه من المباريات السيئة ولم يؤدي فريق الزمالك ما عليه، واللاعيبة معملوش بالملايين اللي بياخدوها وهذا تراجع مؤسف لكل اللاعبين، ولدينا البنك الأهلي الذي استغل الفرص وأحرز 3 أهداف في الزمالك الذي لم يعد لديه إلا البطولة العربية ولذلك لا بد من إعادة حسابات ما جرى في هذه المباراة".
