لأول مرة.. شريف عامر يكشف تجربته في "رامز نيفر إند": "فيصت"
كشف الإعلامي شريف عامر، أنه شارك في تجربة مقلب برنامج "رامز نيفر إند"، قائلا: "كل سنة يجربوا فيا المقلب قبل وصول ما يعملوا المقلب في الضحايا"، مضيفا: "محدش رضي يقولي أي حاجة ولا حد غششني حاجة".
وقال عامر، خلال برنامج "يحدث في مصر" المذاع عبر فضائية "إم بي سي مصر"، مساء الخميس، "أحد الزملاء قالي اقلع نضارة يا شريف.. بس أنا فيصت، وقولت هعمل زي ما رامز يعمل، وأخدت خبطتين صح"، لافتا إلى أنه بعدما انتهت التجربة كان يريد فقط أن يطمئن على نفسه.
وأضاف، "مكنتش أعرف أن الغسالة دورتين، واللي بيعجبني في ضحايا رامز أنهم بيقدروا يكملوا بعد المقلب"، متابعا: "أنا اللي قولت لهم حوا مخدات على الحيطة، الضحايا المفروض يدعولي"، مستطردا ضاحكا: “ماشي يا رامز أنا مش هقدر اتكلم عشان ماسك عليا تسجيل صوتي”.
