رانيا يوسف تفتح النار على نادية الجندي: "أنا مش من جمهورها ولا عمري هبقى" (فيديو)
فتحت الفنانة رانيا يوسف، النار على الفنانة نادية الجندي، قائلة "أنا مش من جمهورها ولا عمري هبقى".
وأضافت "رانيا يوسف" في حوارها مع الإعلامية بسمة وهبة ببرنامج "العرافة" المذاع على فضائية "النهار" مساء اليوم الخميس، "ربنا أعلم بالنوايا والنفوس والأعمال لما يبقى فيه حرب دايما طول الوقت من تحت إلى تحت".
وتابعت "أنا لما بحارب حد بحاربه في وشه معنديش اللف والدوران، وبعدين أنا هحاربها ليه هي بعيدة عني وأنا بعيدة عنها".
واستطردت "هي مش محتاجة دلوقتي إني أخذ أدوارها إحنا بعيد عن بعض هي مش قصة أدوار، ولكن الخلافات كان نتيجة حاجات شخصية من أيام جوازي بالمنتج محمد مختار".
وأردفت "الخلاف بينا لم يكن على المستوى الفني ولكن على مستوى حياتي وبناتي، أنا مطلبتش من مختار أنه ينتجلي لأني مش من المدرسة دي ودماغي مش كده".
