قررت أتكلم عن مشاعري.. مقدمة مؤثرة من شريف عامر ببرنامجه
وجه الإعلامي شريف عامر، التهنئة إلى كل أم مصرية في عيد الأم، متذكرًا والدته في أول عيد أم بعد وفاتها.
وقال "شريف عامر" خلال تقديم برنامجه "يحدث في مصر" المذاع على فضائية "إم بي سي مصر" مساء اليوم الثلاثاء، "النهاردة عيد الأم البرامج بتحضر تقارير وتتابع حركة الهدايا، وأنا قررت اتكلم عن مشاعري وهذا أول عيد أم في غيابها الكامل".
وأضاف "أنا عمري ما عملت الحكاية دي قبل كده، ورمضان الماضي كنت فاتح التليفون وببص على الكاميرات وقولت هقولها كل سنة وانتي طيبة يمكن ألفت انتباها ويبقى جزء من تحسن حالتها الصحية، ولكن هذا أول عيد أم وهي غائبة تمامًا".
وتابع "والدتي بنت الطبقة المتوسطة وهي مهندسة معمارية، أنا آسف لو بستغل هذه الدقائق من وقتكم واخترت 3 صور تمثل 3 مراحل من حياتنا مع بعض مرحلة البداية والطفولة ومرحلة النهاية لأنها بتقول اللي في مشاعرها ولا يهمها وانتمائها للطبقة المتوسطة خلها تبقى قدامي مثال".
واستطرد "والدتي اتولدت في الإسكندرية وعاشت طفولتها في حي شبرا وانتقلت بعدها إلى شقة في مصر الجديدة وبعدها في المهندسين، والدتي لم توجه لي نصيحة ولكن كل تصرفاتها هي الدروس، مثلًا أول سرير لها في بيتها كان جاي من مصلحة السجون".
وأردف "هي مكنتش عايزة تعتمد على حد وقرروا يبقوا مستقلين تمامًا عفشنا لسة فيه حاجات ده من معرض من مصلحة السجون وهي كده فهمتني اعيش حياتي ازاي، إذا كان غيابها هو الحقيقة الواقعة ازاي ادعيلها وهي اللي علمتني الدعاء أنا بدعي أنها هي اللي تكون واقفة جنبي يوم الحساب وأمي كانت أبو العلا البشري على ست وكل سنة وكل أم حاضرة طيبة وبخير".
وأكمل "أنا لما اقول الكلام سيكون أصدق حاجة ويكون مرضي لها وهو خروج عن الاستثناء والقاعدة حبيت أقول الكلام ده استمتعوا بوجودهم واستمتعوا باللي اتعلمتوه منهم وهما حتى مش موجودين، وأنا بعترف على الهواء مباشرة بجميلها وامتناني اللامحدود لها".
