"الحديدي" عن ضبط 350 كرتونة دجاج برازيلي مع مواطن: جريمة مكتملة الأركان
علقت الإعلامية لميس الحديدي، على واقعة ضبط 350 كرتونة من الدجاج البرازيلي، مع مواطن قام بأخذها من المنافذ لبيعها بأسعار أعلى، قائلة: "يا جبروتك يا أخي... إزاي عملت كده؟، والمسؤولية هنا ليست عليه فقط، بل على المسؤولين عن هذه المنافذ عليهم مسؤولية أيضًا، صحيح القانون لا يضع حد للسلع المشتراه، ومحدش هيقول لمواطن إنت واخد إيه؟، لكن برضه ده مش واخد عشر فرخات، ده أخد 350 كرتونة دجاج.إزاي لحق يلم 3.5 طن فراخ"
جريمة مكتملة الأركان
وتابعت "الحديدي"، خلال تقديمه برنامج "كلمة أخيرة"، المذاع على فضائية "on"، مساء الأحد، :" أكيد كان معاه ناس وجابهم من كذا مكان، ودي جريمة مكتملة الاركان، تجارة في قوت وأكل الشعب "
الاتجار في قوت الناس هو الحرمانية
أكملت: " صحيح الفساد والسرقة حرام، لكن الاتجار في قوت الناس هي الحرمانية بعينها، لإنه اتجار في قوت وأكل الناس في وقت ازمة، إلى بيعمل كده العادي في أوقات الحروب بيدخل السجن في العالم، الدولة دفعت من دمها دولارات عشان توفر الدجاج البرازيلي للنزول بالسعر، عاوز تاخدها بسعر رخص وتبيعها غالية دي جريمة"
