الرئيس السيسي يشهد لقطات من مسلسل "الاختيار" وغناء أحمد سعد

انطلقت منذ قليل احتفالية مبادرة "كتف في كتف" بحضور الرئيس عبد الفتاح السيسي في ستاد القاهرة.

وشهد الرئيس السيسي لقطات من مسلسل "الاختيار" الجزء الثالث بغناء الفنان أحمد سعد، وبحضور كبير من المصريين في أكبر حدث خيري، وكذلك الاستماع إلى عدد من المتطوعين من التحالف الوطني للعمل الأهلي من خلال فيلم تسجيلي عن المبادرة.

وكان وجه الرئيس السيسي، التهنئة إلى المصريين والمشاركين في الاحتفالية، قائلًا "كل سنة وأنتم طيبين جميعًا يوم جميل ومنظر جميل جدًا جدًا، أنا سعيد بكم والله العظيم ومتشرف بكم ومش عارف أشكركم ازاي كلكم أنا شايف شباب وشابات وأعمار مختلفة".

وأضاف "أنا شوفت متطوع صغير بيقول إحنا موجودين، خلينا أقولكم حاجة المصريين بيأكدوا كل يوم باختلاف طبقاتهم شريحة من كل المجتمع المصري تقوم بدور جميل في وقت صعب".

وتابع "النهاردة كان لازم أشكركم وأقدر لكم كل اللي بتعملوه واللي هتعملوه أننا نساهم في تخفيف الأزمة الكبيرة التي تمر بها الدنيا وتمر بها مصر غلاء الأسعار، ونكون موجودين ونخفف على الناس الأسعار من خلال 4.5 إلى 5 ملايين كرتونة وناس كتير بتعمل كده".

واستطرد "أنا على علم بحاجات كتيرة بتتعمل الهدف منها أن الناس في الأيام الكريمة تبقى الأمور أنا مش عارف أشكركم ازاي وأشكر مين ولا مين أنا تقديري وشكري للجميع وسلامي للجميع ودعواتي لكم جميعا بالخير والسلام، من الحاجات المهمة إدخال السرور والبهجة على الناس وأتصور باللي إحنا بنعمله بصرف النظر أن انت بتقدم ايه ولكن بتقوله أنا شايفك وإحنا معاك وأنا بشكركم وبقولكم كل سنة وأنتم طيبين ودايما المصريين كده".