السيسي لـ المصريين: "طول ما إحنا بخير وأمان.. الحمد لله رب العالمين"
رد الرئيس عبدالفتاح السيسي، على مطالبة إحدى الأعضاء بالمجتمع المدني بتشديد الرقابة على الأسواق، قائلا: "اللي شغالين دول من فين.. دول إحنا الشعب، انتبهوا إن إحنا اللي بنشتغل وأهالينا اللي بيشتغلوا، والحكومة مش الناحية التانية".
وأشار السيسي، خلال جلسة نقاشية مع عدد من أهالي محافظة المنيا، على هامش جولته التفقدية بعدد من المشروعات التنموية بالمحافظة المنيا، اليوم الخميس، "سبب المشكلة في 2011، أنه عمل الحكومة عدو، وخلى الحكومة في حتة والشعب في حتة.. والعدو نعمل فيه إيه نهده".
وقال، "الحكاية اتعملت كده، بنأكد على كل مسئول في المنيا يخلي باله من شغله، ونقول لبعضنا وفي كل حتة في مصر أن أخويا أو أبويا اللي شغال في حتة بمصر، البلد محتاجة 3 حاجات منك.. إخلاصك، وأمانتك، وعملك"، متمنيا أن نظل متماسكين شعب ودولة، والدولة تعمل تخفيف ما أمكن على الناس، مضيفا: "طول ما إحنا بخير وبسلام وأمان.. الحمد لله رب العالمين".
