أديب مدافعا عن الفراخ البرازيلي: "عفية ومحترمة وكاملة الأنوثة"
عقب الإعلامي عمرو أديب، على حالة الجدل المثارة بشأن طرح الدواجن البرازيلي، قائلا، "المصريين مزاجهم يميل للفراخ الحية"، ولكن لظرف ما لم تعد الدواجن الحية متاحة للجميع، فتدخلت الدولة ووفرت الدواجن المجمدة.
وقال أديب، خلال برنامج "الحكاية" المذاع عبر فضائية "إم بي سي مصر"، "ليه بتكرهوا الناس في نعمة ربنا.. سيب الناس تاكل وتتبسط، هو أنت متخيل أن كل الفراخ اللي بتاكلها جاية من الفيوم، هو لا نرحم ولا نخلي رحمة ربنا تنزل، في نقص والدولة اتصرفت".
وأضاف، "الفرخة البرازيلي عفية ومحترمة وكاملة الأنوثة، وبتبيض، وطول ما الفرخة مش فاسدة ولا في فساد في استيرادها مفيش مشكلة معاها، سمي وكل، وخلوا الناس تفرح وتنبسط، بلاش تطفحوا اللقمة للناس.. مالها الفرخة موجودة في كل العالم.. ايه العنصرية الدجاجية دي، والضروريات تبيح المجمدات".
