"مش هقولكم أنا فين".. أول تعليق لـ "علا غانم" بعد تعرضها للضرب والتعدي من زوجها
كشفت الفنانة علا غانم، تفاصيل تعرضها للضرب على يد زوجها، قائلة: "يوم الجمعة فوجئت أن الغفير بتاعي بيقولي في ناس كتير برة عايزاكي.. ولما طلعت لقيت ناس بتزق الباب وبيقولي افتحي عندنا حفلة وتنضيف".
وقال غانم، خلال اتصال هاتفي ببرنامج "الحكاية" المذاع عبر فضائية "إم بي سي مصر"، مساء الإثنين، "لقيت واحد من الناس دي اسمه محمد حسين وكان صديق زوجي بيكلمني بطريقة حقيرة وبيقولي إيه يا علا افتحي الباب.. قولتله هبلغ البوليس"، مضيفة باكية: "فوجئت أن عزيز اللي كان زوجي ومعاه محمد حسين وشخص ثالث اسمه وائل بيفتحوا الباب".
وأضاف، “وائل كان بيمسكني من الروب وبيحدفني زي الكرة، مبقتش ملاحقة على الناس واقتحموا البيت، وألاقي 6 ستات في وقت واحد بيحضنوني عشان موصلش لحد.. والغفراء بتوعي كانوا بيضربوا ضرب مبرح بالشوم”، لافتة إلى أن المقتحمين لمنزلها كانوا يريدون تمكين زوجها من المنزل.
وتابعت، “الستات مسكوني وكتفوني، وزوجي خلع كل الكاميرات، وكنا بنطلب النجدة ولكن مبتردش”، لافتة إلى أن هذا المنزل هو منزلها الخاص، مستطردة: “أمي اضربت بالشوم أدامي من زوجي".
ولفتت إلى أن البوليس وصل وتوجهوا جميعهم لقسم الشرطة، مضيفا: “في القسم قالولي يقال أنك اقتحمتي البيت ونطيتي من فوق السور، قالولي لازم تتصالحي وإلا هتضري تقعدي انتي ووالدتك لتاني يوم، وأنا رفضت، ومشيت الساعة 6 الصبح، وأنا مروحة المساعدة بتاعتي كلمتني وقالتي إن في ناس اتهجمت عليهم وطردتهم من البيت، رجعت تاني للشرطة وبلغتهم، فأرسلوا معايا قوة”.
واستطردت، “هو حاليا في بيتي مع الناس اللي رمت على بيتي مولتوف يوم 9 نوفمبر، وأنا مش هقول أنا فين".
