محمد موسى عن أزمات سعد الصغير مع مطلقاته: تروح واحدة تيجي ميه
علق الإعلامي محمد موسى، على أزمات الفنان سعد الصغير النسائية المتعددة خلال الفترة الأخيرة، ما بين انفصال عن برلنتي عامر وتبادل الاتهامات مع طليقته الراقصة شمس سواء بالخطف والتعدي عليها وإجبارها على توقيع ايصالات أمانة.
وقال موسى، خلال تقديم برنامج "خط أحمر" على قناة الحدث اليوم، حريم سعد حطينه في مشاكل كتيرة وهو الحقيقة سبب كل ده لأنه عامل حياته علي المشاع ولا خايف علي صورتك ولا شكلك.. وبعدين يا نجم أنت ماسك فيهم ليه.. متروح واحدة تيجي ميه والناس بيخلصوا من بعض بالمعروف ايه لازمة البلبلة والفضايح دي".
وأشار "موسى"، إلى تصريحات الفنان سعد الصغير، خلافه مع الراقصة شمس، والتي جاءت فحواها: بتقول إني بهددها وخطفتها، أنا راجل أبويا مربيني، ودا كدب لأني لو بهددها بتاخد مني فلوس ليه؟.. ولو قولت للناس قد إيه وقفت جنب شمس هيقولوا عليها قليلة الأصل، وأنا كنت بساعدها ماديًا وببعت لها فلوس.
وكانت الراقصة شمس اتهمت سعد الصغير بالتعدي عليها وتهديدها، قائلة: لما كنت حامل سعد الصغير بعتلي بلطجية وكان عايز يعملي عملية إجهاض، وكان بيضربني وبيشتمني وجرني من شعري من إسكندرية للقاهرة وسحلني ووقفنا على الطريق الصحراوي، وفضل يضرب فيا لحد ما وشي جاب دم.
