سهير جودة تفاجئ هاني شنودة بسر خطير عن نجاة..والأخير: كانت صيادة للأغاني
كشفت الإعلامية سهير جودة، عن كواليس اختيار الفنانة نجاة للأغاني، قائلة للموسيقار هاني شنودة: "كانت بتسمع الأغاني تحت بيتك والاغنية اللي تعجبها تطلع تخبط عليك وتاخدها".
نجاة والفن المصري
ورد هاني شنودة عليها، خلال لقائه ببرنامج "الستات"، المذاع عبر فضائية "النهار"، اليوم الإثنين، مؤكدًا أن نجاة كانت تقوم بهذا الأمر بالفعل، وقال: "كنت ساكن في الدقي في الدور الأرضي، كانت بتيجي متخفية، ربنا يديها الصحة، وهي فضلها كبير على الفن المصري".
كانت صيادة للأغاني
وتابع هاني شنودة: "كنت بلاقيها تخبط عليا وتقولي ايه اللي كنت بتلعبه دلوقتي، أنا هبعتلك الأبنودي يكتب عليها كلام وتبقى بتاعتي، واكتشفت أنها بتقعد تحت بيتي بعدين، لأن مش ممكن تكون بتيجي كل مرة على أغنية بالظبط".
واستطرد: "كانت بتخلي السواق يركن العربية جنب البيت وتنزل تتمشى، هي كانت صيادة، بتعرف تصطاد الاغاني، هي غنت من الحاني 3 اغاني ونجحوا، أغنية بحلم معاك، أنا بعشق البحر، ويوم الهنا".
