مفيدة شيحة تقدم نصائح للسيدات لتخطي أزمة ارتفاع الأسعار
وجهت الإعلامية مفيدة شيحة، نصائح للسيدات لتخطي أزمة ارتفاع الأسعار، قائلة: "في الوقت اللي بنعيشه دلوقتي، والأزمة الاقتصادية اللي مش عارفين هتنتهي امتى أو حتى تقف عند أي حد، الستات المصرية بتظهر اصالتهم في الأزمات اللي زي دي، شايفين العجب وهم بيدبروا مصروف الشهر وبيلفوا حوالين نفسهم عشان يوجدوا البديل والبيت مينقصوش حاجة، بيعملوا كل حاجة من غير ما يكونوا مستنيين حد يصقف لهم".
وأضافت شيحة، خلال برنامجها “الستات”، على قناة “النهار”:"بيحاولوا يلاقوا حلول وبدائل لكل المنتجات اللي بنستخدمها في حياتنا وخصوصًا الاحتياجات الأساسية، بيدوروا ويخترعوا ويكتشفوا بدائل بأسعار أرخص لأي حاجة علشان يقدروا يمشوا البيت بأقل إمكانيات متاحة".
وقدمت الإعلامية مفيدة شيحة، عدة نصائح لحل مشاكل ارتفاع أسعار بعض السلع، في ظل الأزمة الاقتصادية التي يمر بها العالم ومصر، قائلة: "الغالي له بديل، دا جروب على الفيسبوك، علشان اللي تلاقي فكرة أو اختراع تشاركه مع عدد من الستات يقدروا يستفيدوا منها"، مضيفة أن "الجروب ده عملته زيزي سيف النصر، البلوجر المهتمة بصناعة محتوى عن الأسرة والبيت والمطبخ والحاجات اللي ممكن تستفيد منها".
واضافت: "في الجروب ده، مش بس بيلاقوا بدايل لمنتجات بالجودة نفسها أو بفرق بسيط مايفرقش، لكن بأسعار أقل، كمان بينصحوا بعض ازاي يكملوا الشهر بخطة تخليهم يجيبوا أكل مفيد ومغذي وقيمته الغذائية مهمة للأولاد وجسمهم بأقل سعر ممكن، متابعة: "الجروب متقسم بين نصايح ومنتجات وأسئلة، علشان تلاقي اللي بتدوري عليه بسهولة".
