شاهد.. محمد موسى يصرخ على الهواء: "كل من هب ودب بيقول أنا إعلامي"
أكد الإعلامي محمد موسى، على دور الإعلام في تشكيل الوعي سواء بشكل سلبي أو إيجابي، مضيفا: "الحقيقة اللي مستغرب لها أن بعض الناس اللي بيقولوا عن نفسهم مذيعين عارفين ليه لأن دول ملهومش علاقة بالإعلام المهني ولا يعرفوا أساسا معنى ما تعنيه هذه الرسالة المهمة".
وأضاف موسى، خلال تقديم برنامج "خط أحمر" على قناة الحدث اليوم: "للأسف مجموعة من الجهلاء فجأة لقوا نفسهم قاعدين على الهواء وبيتكلموا ولو بصينا لخلفيتهم للأسف هتلاقي واحدة بتاع تاتوه وواحد كان موظف مرفود في حي من الأحياء وواحد تاني كان معدي من قدام سور مدينة الإنتاج وبايع له حتتين خردة وقالك أدخل أعمل برنامج".
وأوضح: "الناس الغير مؤهلة دي أسوأ ما يكون علي المجتمع لأن كل من هب ودب بقا يقول أنه إعلامي في وقت البلد محتاجة فيه إعلام مسؤول يقدر يواجه التحديات اللي بتمر بها الدولة المصرية في مختلف الاتجاهات".
