بعد "عايزك تاخدني في حضنك يا ريس".. المستثمر: "شعور أبوي" (فيديو)
أعرب محمد، أول مستثمر في المجمع الصناعي غرب جرجا، عن سعادته بالتحدث مع الرئيس عبدالفتاح السيسي على هامش افتتاح عدد من المشروعات التنموية بسوهاج، قائلا: "أخدت دفعة كبيرة في مجال الصناعة".
وقال محمد، خلال لقاء خاص عبر فضائية "إكسترا نيوز"، اليوم الجمعة، إنهم يتمنون افتتاح مشروعات في سوهاج كل فترة حتى يلتقوا بالرئيس السيسي ويتحدثوا معه، مضيفا: "لما قولت للريس عايزك تاخدني في حضنك ده شعور من ابن لأبوه، الرئيس السيسي هو الأب الروحي لنا في الصناعة، شكرا يا ريس".
لقاء الرئيس السيسي
وكان قد وجه الرئيس عبدالفتاح السيسي، حديثه إلى محمد أول مستثمر في المجمع الصناعي غرب جرجا، قائلا: "طمني الشغل عامل إيه"، ليرد المستمثر: "أنا كنت عايزك تاخدني في حضنك".
وقال السيسي، خلال كلمته بافتتاح عدد من المشروعات التنموية بمحافظة سوهاج، اليوم الخميس، "يسعدني ويشرفني، يهمني أن الناس تفهم اللي بيحصل، كام عامل شغال معاك، ومتوسط المرتبات كام"، ليرد محمد: "20 شاب فنيين، والمرتب يبدأ من 2000 جنيه وكل شاب حسب مهنته وشطارته".
وأضاف السيسي، "إحنا نقدر نعمل أكتر من كده، ومش هقولك بتكسب كام متخفش ووزير المالية ملهوش دعوة بيك خالص".
