السيسي: دايما بفكر في الدنيا التانية "يوم القيامة يعني" (فيديو)
أجاب الرئيس عبد الفتاح السيسي، على تساؤل أحد الأفراد من ذوي الهمم، يدعى عمرو، قال خلاله: "أنا فخور أني قدام حضرتك دلوقتي، إمتى خوفت على بلدنا قومي؟".
وعقب الرئيس "السيسي"، خلال كلمته على هامش فقرة "اسأل الرئيس" باحتفالية "قادرون باختلاف"، اليوم الأربعاء: "اكمني راجل كبير شوية دايما بفكر في الدنيا التانية يوم القيامة يعني، يوم لقاء ربنا سبحانه وتعالى".
وتابع الرئيس السيسي: "بقول لكل اللي بيسمعني في اليوم ده إحنا اللي هنقول يارب إحنا لينا مكان معاهم، أنتو لو قولتوا أه هنيجي لو قولتلوا لا هيبقى موقفنا صعب قوي"، لافتًا إلى أن الخوف على مصر دائما لديه ولكن خلال فترة 2011 وحتى 2014، وعندما حدثت موجة من الإرهاب والتفجيرات للمساجد والكنائس ومديريات الأمن، في هذا الوقت كان أي شخص يرى مصر يقول دي خلاص، وكان هناك شباب من الجيش والشرطة والقضاء وكل مصري دفعوا تمن كبير قوي علشان البلد تبقى بالهدوء والسلام ده.
وتابع موجها حديثا للمصريين: "حافظوا على اللي ربنا حمى مصر فيه، وفي 3 آلاف شهيد و13 ألف مصاب إصابة مؤذية جدًا، ده التمن اللي ادفع ناس غالية علينا قدمت حياتها علشان البلد دي تبقى كدة"، موجهًا لهم التحية والسلام، ولأسرهم أننا لم ولن ننساهم وأن لهم أجر كبير عند الله على أبناءهم الذين استشهدوا.
