سهير جودة عن غلاء الأسعار: "كأن كل واحد حاطط ايده في جيب التاني"

علقت الإعلامية سهير جودة، على الحالة الإقتصادية التي يمر بها العالم، مؤكدة أن الجميع يمر بظروف صعبة للغاية، وقالت: "الأزمة الإقتصادية وانعكاسها اجتماعيًا، كأن كل واحد حاطط ايده في جيب التاني، طب احنا كدة بنستنزف بعض، وبنستهلك بعض، جشع التجار وفكرة المغالاة في الأسعار أو العشوائية للي بتحصل في الأسعار من مكان لآخر ومن تاجر للثاني".

كل واحد بيتشطر على التاني

وأضافت سهير جودة، خلال حلقة اليوم الإثنين، من برنامجها "الستات"، المذاع عبر فضائية "النهار": "كل واحد بيتعامل بطريقة عجيبة جدًا ومربكة، مفيش داعي لأن القصة علينا جميعا، فككل واحد بيحاول يتشطر على الثاني طب وبعدين، دي مرحلة اللي لازم نكون فيها أكثر رحمة على بعض".

تسعيرة الدلار

وتابعت: "كل واحد بيحط سعر للدولار على حسب تصوره الشخصي، في ناس تقول أن الدولار بـ45 جنيه، وناس تسعر السلع باعتبار الدولار بـ65 جنيه، الأزمة على الجميع، فنرحم بعض ونبقى أكثر إنسانية ببعضنا، ومنعملش مغالاة بالشكل دة، ومنفرطش في التشاؤوم".

سهير جودة: علميا الستات أكثر إستقرار من الرجال في السواقة

"الستات": المال هو الصديق الوفي للمرأة ويحفظ حريتها وكرامتها

عادات اقتصادية

وأشارت سهير جودة  إلى أنه "زمان كنا بنعمل كل حاجة في البيت، زي المربى والجبن، وبنخزن الخضار، كان عندنا عادات اقتصادية حلوة جدا نسيناها وأصبحت كل عاداتنا استهلاكية، فلازم نرجع تاني تبقى الحياة بشكلها الطبيعي، دي فترة مرهقة بلاش نرهق فيها بعض".