السيسي يكشف: "هو ده اللي خرب البلد دي"

قال الرئيس عبدالفتاح السيسي، إن هناك مستشفى تم افتتاحها منذ عامين -رافضا ذكر اسمها- من تأسيس جمعية أهلية، معقبا: "سألت المسئول عنها بالتليفون قولتله عندك ريع ثابت مش مرتبط بتبرعات الناس.. قالي لاء".

وأضاف السيسي، خلال افتتاح مصنعي الغازات الطبية والصناعية ومحطة توليد الطاقة في أبو رواش، اليوم الإثنين، "قولتله يبقا اللي إنت ماشي فيه ده غلط، مينفعش نعمل مسار منتظم على فرضية غير منتظمة وهى تبرعات الناس ممكن تزيد أو تقل".

وتابع: "بكلمه من فترة بقوله أخبارك ايه قالي الظروف بدأت تصعب قولتله التبرعات قلت قالي لاء ولكن حجم الطلب زاد ومنقدرش نقول لحد مش هعالجك"، مؤكدا أن الصناديق الاستثمارية مسار وفرصة لإيجاد حلول بعيد من موازنة الدولة.

واستطرد: "لما الدكتور مصطفى مدبولي كان وزير إسكان قولتله عندك فلوس ايه قالي 750 مليون جنيه، قولتله أنا مسمعتش النهاردة بالمسار اللي مشينا فيه الصندوق به نصف تريليون جنيه، واحد ممكن يقولي اديهم لينا نمشي بيهم، هو ده اللي خرب البلد دي كلمة اديهم لينا، مفيش اديهم لينا".