السيسي لوزير الصحة: "أنتم اللي بتستفزوني.. المواطن بتاعي لسه ميقدرش"

شدد الرئيس عبدالفتاح السيسي، على أهمية أن تكون هناك أوعية ادخارية للوزارات، قائلا: "الكلام ده أنا عملته في وزارة الصحة.. الصندوق فيه 70 مليار دلوقتي"، مضيفا مخاطبا وزير الصحة ضاحكا: "أنتم اللي بتستفزوني".

وقال السيسي، خلال افتتاح مصنعي الغازات الطبية والصناعية ومحطة توليد الطاقة في أبو رواش، اليوم الإثنين، إلى أنه أنشأ الصندوق بوزارة الصحة لخدمة مشروع التأمين الصحي، وتم العمل على كفاءة المستشفيات في بورسعيد، مضيفا: "قولتلهم أنتم حاطين افتراضات أن الناس كلها تكون قادرة تدفع ولكن عملتهم احتياطي لنسبة محتملة غير قادرة قالوا لاء.. قولتلهم مينفعش لازم يكون في صندوق له موارد".

وأضاف، "قولنا لازم يكون عندنا صندوق له موارد ونعززه، دول تانية ممكن متعملش الفكرة دي لأن الموازنة عندها تقدر تغطي ثم مواطنيه أغنى مننا، المواطن بتاعي لسه ميقدرش لازم الأول أملا جيبه بشغل".

وتابع، "الدكتور خالد بيقولي لو مأخدناش بالنا في خلال كام سنة الفلوس اللي في الصندوق تروح كلها.. قولتله لا غير مقبول لازم الصندوق يكبر ويزيد".