عاجل.. أول تعليق من السيسي على شائعة بيع قناة السويس: "اسمعوا كلامي وهتشوفوا"

عقب الرئيس عبدالفتاح السيسي، على الضجة التي أثيرت بشأن الصندوق الاستثماري لقناة السويس وشائعة بيعها، قائلا: "حصت موجة كبيرة على الصندوق.. والله العظيم ده حلم وأنا صادق إن شاء الله".

وقال السيسي، خلال افتتاح مصنعي الغازات الطبية والصناعية ومحطة توليد الطاقة في أبو رواش، اليوم الإثنين: "الناس لازم تعرف الحكاية.. في 2019 سألت الفريق أسامة ربيع عندك أموال ايه، قالي معنديش حاجة ولما احتاج أعمل مشروع هروح لوزير المالية".

وأضاف: "البلاد اللي زي حالاتنا لازم يكون في أوعية على جمب، وده اللي عملته في وزارة الصحة"، منوها بأن حصيلة إيرادات قناة السويس منذ 1975 وحتى الآن 220 مليار دولار، "لو حد شال 10% من المبلغ ده ووضعه في الصندوق كان زمان معانا 50 مليار دولار".

وتابع: "دلوقتي عايز يدخل تطوير في القناة مش معاه، عايز يعمل حتى خدمة مجتمعية متقدمة معندهوش.. فأنا قولتله مينفعش الكلام ده، فجه وزير المالية والدكتور مصطفى قالوا لا يا فندم والنبي ارحمنا والفلوس اللي هتخصمها عشان نعمل صندوق مش هنقدر، قولتلهم اسمعوا كلامي وهتشوفوا".