الرئيس التنفيذي لـ 57357 عن المراقب على المستشفى: "ربنا اللي بيراقب"
كشف الدكتور شريف أبو النجا، الرئيس التنفيذي لمستشفى 57357، أن مريض سرطان الدم يستغرق 3 سنوات، وتكلفة علاجه 700 ألف جنيه خلال هذه المدة، مضيفا: "الطبيب اللي بيشتغل فالمستشفى بيضطر يتنازل عن عيادته الخاصة، يا جارية اطبخي يا سيدي كلف".
وقال أبو النجا، خلال اتصال هاتفي ببرنامج "الحكاية" المذاع عبر فضائية "إم بي سي مصر"، "مفيش حد فالمستشفى سواء ممرضة أو عاملة بتاخد بقشيش، والمستشفى أنضف من بيتنا.. هو ده مالوش تمن"، منوها بأن هناك 36 ألف مريض تم شفائهم ويقوموا بالمتابعة في المستشفى، معلقا: "لو حد فيهم جاله برد بنعالجه لو حد رجله اتكسرت بنعالجه لو حد عايز نضارة بنعمله.. تكلفة كبيرة".
المراقبة على المستشفى
وأضاف، "إحنا موجوعين أوي من الفجر والنفاق.. كل الكلام اللي اتقال كذب، إحنا ناس محترمة ومخلصة"، وهناك مجلس أمناء يتابع المستشفى ويتبرعون بالملايين، معلقا: "ربنا هو اللي بيراقب على المستشفى.. الرقابة الإدارية والأمن القومي والتضامن بيراقبوا على مستشفى 57357.. أتمنى الناس تفوق".
