حنان شوقي: "لازم الزوجة تبوس إيد زوجها.. ومش عيب إنه يبوس رجليها" (فيديو)
كشفت الفنانة حنان شوقي، حقيقة تصريحها بشأن علاقتها مع زوجها وأنها قبل ما تنام تقوم بتقبيل يد زوجها وتسأله إذا كان يأمرها بشيء.
وقالت "حنان شوقي" في اتصال هاتفي ببرنامج "أحلام مواطن" المذاع على فضائية "تن" مساء اليوم الثلاثاء: "أنا قبل ما أنام ببوس إيد جوزي وبسأله تؤمرني بإيه".
وأضافت "ده ربنا اللي قال كده أنا لما ببوس إيده كأني ببوس إيدي لأن أنا هو وهو أنا لازم أعمل معاه كده وأنا في اعتقادي لازم الزوجة لو قدرت تلبس الشوز لزوجها تعملها لو قدرت تعمله أي حاجة تعملهاله".
وتابعت "وكمان مش عيب أن الزوج يلبس زوجته الشوز ويبوس رجليها وإيديها دي أم أولاده ولو العلاقة ما بينهم كده هيطلعه نشء سوي".
واستطردت "أنا بشوف هري على الزوج والزوجة كتير دي علاقة مقدسة وشوفنا السيدة حواء طلعت من ظهر سيدنا آدم، والزوج سكن ليا وأنا سكن له فيها رحمة وسكينة واحتواء دي حاجة كبيرة جدًا".
