همسة عتاب.. أديب لـ "التجار": "حجم السلع صغرت والجودة مش كويسة"
وجه الإعلامي عمرو أديب، رسالة إلى التجار، قائلا: "بقولكم همسة عتاب.. إنتم رفعتوا الأسعار طب ليه مستوى المنتج تدهور وحجمه صغره، وطعمه اختلف، والجودة مش كويسة".
رسالة إلى التجار
وقال أديب، خلال برنامج "الحكاية" المذاع عبر فضائية "إم بي سي مصر"، مساء الأحد، إن هناك سلع في بعض المتاجر يكاد يكون تاريخ الصلاحية لها ينتهي، مضيفا: "من يومين بعت أجيب سندويتشات فول وطعمية ومخلل.. علبة المخلل متقطع فيها ربع جزرة وقرن فلفل قد عقلة الصباع".
تغير السلع
وأضاف: "وتمشي كتير جوه السندويتش عشان تلاقي الحشو.. فين الطعمية صغرت جدا، وفي هبابة سلطة، السندويتش مفيهوش حاجة وشوف بكام"، متابعا: "في ناس كتير تعاني من أن جزء من كرتونة البيض بايظ وحجم البيض مختلف، وحتى طعم بعض أنواع الجبنة اتغير".
وتابع، "الحاجة طعمها فيها مشكلة ومتغير، ونوعية الشاي اتغيرت، التجار مزودين الأمر، هو ليه المعاملة بقت كده.. هيجي يوم هدلل على السلعة".
