إعلامي يغلق الهاتف في وجه أحد أولياء أمور ضحايا التعذيب بحضانة الإسكندرية (فيديو)
أغلق الإعلامي سيد علي، الهاتف في وجه أحد أمور الأطفال المعتدى عليهم بحضانة الإسكندرية، بعد عتابه لها على اختيار هذه الحضانة لابنتها التي لم تتجاوز العامين ونصف.
وقالت سارة مصطفى، أحد أولياء أمور الأطفال المعتدى عليهم بحضانة الإسكندرية، في اتصال هاتفي ببرنامج "حضرة المواطن" المذاع على فضائية "الحدث اليوم" مساء اليوم الثلاثاء: "كنا نايمين على ودانا وولادنا بتبهدل وتتعذب وكنا فاكرين أننا حطينهم في مكان محترم".
وأضافت "بعدها لاقينا مدرسة عملت التسجيل وتواصلت مع أحد من الآباء بأن أطفالنا بيضربوا ضرب تعذيبي وإحنا مكنش عندنا فكرة وبناء على التسجيل الصوتي حررنا محاضر والدنيا ماشية في النيابة حاليًا، كان المسئولين بيقولوا أن الكدمات الخاصة بالأولاد بسبب أنهم وقعوا على الأرض أو أنه مخبوط في رأسه مع زميلتها".
وتابعت "الأطفال مكنوش بيحكوا لأنهم صغار بنتي عندها سنتين ونصف ودي حضانة كبيرة مش نقيت لها حضانة تحت السلم، وأنا واحدة من ضمن ناس كتير وثقت في هذه الحضانة لو عندي فكر أن بنتي بتتعذب كده مكنتش هوديها مكان زي ده".
ليعقب سيد علي “كان الأفضل في الوقت ده تكويني مع بنتك”، لترد المتصلة “هو حضرتك شايف أن ده وقت تأنبني ضميري فيه”، ليرد الإعلامي "علشان اللي بيسمعونا يحافظوا على ولادهم، الناس تعرف وتتخير لأولادها، وفي سنتين أفاضل أقعد مع ولادي".
وأضاف "الناس عايزنا نقعد نطبطب، أنا شوفت الصور واتأذيت ولما بتكلم حد علشان المشاهدين يبقى وقر في ذهنهم ما دام أنا مضطر يبقى أدور على حضانة أثق فيها وأعاينها الأول لأني بودي فيها حتة مني".
