السيسي يعلق أزمة ارتفاع أسعار الكيمياوي (فيديو)

علق الرئيس عبد الفتاح السيسي، على أزمة ارتفاع أسعار الكيمياوي عقب ارتفاع أسعار الغاز عالميًا.

وقال "السيسي" خلال تفقده لقرية الحصص اليوم الخميس: "الكيمياوي كان بيتعمل وكان وحدة الغاز بـ3 دولار ووحدة الغاز دلوقتي بـ40 دولار، حتى لما كان بـ3 السعر اللي بيدفعه الفلاح هو نص الثمن الحقيقي ولما زاد سعره وبقى بـ40 إحنا مزودناش السعر".

وأضاف "أنا بقوله ليه كده علشان عايزك تبقى عارف الحكاية معايا، ثمنه على القديم في حدود الـ10 وفي الجديد في حدود كده مرة ونص وأنا مزودتش برضو وأنا بحاول أراعي أن التكلفة تكون معقولة لأنها لو زادت الرز هيغلى على كل الناس".

وتابع "لما الغاز غلي أنت مغلتوش على الناس لأن البلد مش هتستحمل وإحنا في فضل من الله، وعندك كمان وزارة الكهرباء بتأخذ الغاز بـ3 دولار، يعني تقريبا فيه 17 أو 18 مليون بتأخذ الكهرباء بتلت أو نص ثمنها طيب لما الواحدة بقت بأربعين هل أنا زودت لا لأن الدولة حاولت متزودتش الأزمة اللي موجودة برة على أهلها، محدش بيدفع حاجة من جيوبنا ده من جيب مصر بس برضو القلب على القلب رحمة"، ليعلق الحاضرين "ربنا يعينك يا ريس".