السيسي: "رصدنا 700 مليار جنيه لـ "حياة كريمة" ولكنه تخطى التريليون جنيه (فيديو)
قال الرئيس عبد الفتاح السيسي، إنه تم رصد 700 مليار جنيه لمبادرة حياة كريمة، ولكن التكلفة تخطت التريليون جنيه.
وأضاف "السيسي" خلال تفقده جامعة المنصورة الجديدة: "كان تخطيطنا ورصدنا 700 مليار جنيه لمبادرة حياة كريمة، ولكنه عدى التريليون مليار جنيه ولكن اللي أهم منه فوجئنا أن المواد اللي بتدخل في الشغل كمياتها وإمداد الشركات لا يلبي الحاجة".
وتابع "مش عايزين الناس يقولوا أنتوا وعدتونا ومحصلش، مش عاوزين نخلف وعدنا، ووعدنا قائم علشان ننجز فيه أنا هنا بتكلم على ن 52 إلى 53 مركز قرى المرحلة الأولى التي تضم 1500 قرية من أكثر القرى الصعبة من حيث الخدمات والبنية".
واستطرد "إحنا قولنا نبدأ بالقرى اللي حالها صعبة أوي اللي عدوا، إحنا بنفكر هل من المناسب أننا نبدأ مرحلتين مع بعض، لأن أنا مش قادر اخلص في سنة اقدر أخد مرحلتين مع بعض ولكن هناك تحديات وصعوبات بتقابلك، وأنت مفيش موضوع تقدر تشتغل فيه إلا لما هتجد صعوبات بتقابلك، وأنا بشكر كل إنسان يتطوع لعمل ويقدم خدمة لأهل مصر".
