خالد الجندي عن افتتاح المنصورة الجديدة: "رئيس أفعال سهران عشان مصالحنا"
أشاد الشيخ خالد الجندي، الداعية الإسلامي، وعضو المجلس الأعلى للشؤون الإسلامية، بافتتاح الرئيس عبد الفتاح السيسي لمدينة المنصورة الجديدة، قائلًا: "ألف مبروك علينا وعلى بلدنا، الرئيس بتاعنا سهران وتعبان ومجتهد ونشيط ومكافح".
وأضاف "الجندي"، خلال تقديم برنامجه "لعلهم يفقهون"، المذاع على فضائية "دي إم سي": "رئيسنا مش بيضيع وقت، تعبان علشان بلدنا، وسهران علشان مصالحنا، وبيفتتح كل يوم مشروعات جديدة، ومش بنشوف المشروعات غير لما يفتحها".
واستكمل: "رئيسنا رئيس أفعال من يوم ما تولى الأمانة اللي ربنا أسندها إليه، وعامل حالة حميمية وحب وبساطة مع شبابنا ومع المواطنين، السيسي لديه إنكار للذات ويعمل فيصمت، ويستاهل نقوله ربنا يجازيك خير يا ريس".
