هل بعض المؤسسات تثير قضايا لإلهاء المصريين؟.. عمرو أديب يرد
أبدى الإعلامي عمرو أديب، دهشته من ترويج البعض أن هناك قضايا تثار لإلهاء الناس، معلقا ساخرا: "اتلهي فين اللهوة دي.. هو انتم انشغلتم عن سعر الدولار، وعن أسعار السلع".
خطورة السوشيال ميديا
وأشار أديب، خلال برنامج "الحكاية" المذاع عبر فضائية "إم بي سي مصر"، مساء السبت، "الناس ملهية في لقمة العيش بس في مصر والعالم كله.. اقعدوا مع الناس وشوفوا كلهم بيشتكوا الناس عندها لهوها الخفي، مصر مش عايشة جوة السوشيال ميديا، السوشيال ميديا هى اللي عايشة جوة مصر".
وأضاف، "في ناس عايزنا نعيش في جو الدولة البوليسية"، معتبرا أننا نعاني من مشكلة وعي، معلقا: ""في ناس صايعة مش وراها حاجة، هو في حد عرف يلهي المصري عن الأرز"، متابعا: “الإلهاء دي طريقة قديمة آخر مرة حصلت في السبعينات، فوقوا، الناس لما بتجلها فاتورة الكهرباء أول كلمة تقولها كام لو ملهيين مش هيركزوا في الفاتورة.. إلهاء إيه، إيه العبط ده خفوا شوية”، مؤكدا ان الشعب المصري ليس مغيبا، وإنما المغيب هم مجانين السوشيال ميديا.
