أديب لـ التجار: "هتخرموا السوق.. وبتلعبوا بالنار"
تساءل الإعلامي عمرو أديب، لماذا ترتفع الأسعار بشكل مستمر رغم القرارات الاقتصادية، معلقا: "اللي بيجرى في السوق ده هيبوظه.. والسلع هترترت، حتى الطبقات الغنية بتتكلم عن الأسعار".
رسالة إلى التجار
وقال أديب، خلال برنامج "الحكاية" المذاع عبر فضائية "إم بي سي مصر"، مساء السبت، " فاتورة الأسبوع اللي فات غير فاتورة الأسبوع ده، وبقينا في الحلزونة ياما الحلزونة، تكلم ده يقولك ده، في ناس عايزة تخرم المركب عن عمد، اللي بيحصل في الرز ده مثال قليل الأدب للي بيحصل.. إحنا عندنا رز وبنصدر ومش لاقيين".
وأضاف مخاطبا التجار، "بقولكم هتخرموا السوق من الطرفين اللي بيبع واللي بيشتري، ايه اخرة الجشع ده، تعاونوا معانا، نعمل حركة رخمة ونقول دعوا رزكم لكم ونستورد من برة، أنا بقولكم مكسب وخسارة مجبتش سيرة الضمير، أنتم باصين تحت رجليكم والنتائج لن تكون جيدة"، متابعا: “في ناس قاعدة في السوبر ماركت مهمتها تغير الأسعار، وأنتم بتلعبوا بالنار”.
