أول مذيعة من ذوي الهمم: "لو قولت يا جواز هتجوز من الصبح" (فيديو)
قالت رحمة خالد، أول مذيعة من ذوي الهمم، إنها لا تعترض على فكرة الزواج، ولكن لديها شروط في الشخص الذي تختاره كشريك حياتها.
وأضافت "رحمة خالد" في حوارها مع الفنانة هالة فاخر ببرنامج "حكاية مصرية" المذاع على فضائية "صدى البلد" مساء اليوم الخميس: "أنا لو قولت يا جواز هتجوز من الصبح، وفي ناس كتير جدًا اتقدمولي ولكن كانوا بيبقوا مكسوفين".
وتابعت "أنا اللي عايز يتقدملي لازم يقبلني زي ما أنا ويقبلني بشغلي وإني بطلة رياضية وليا حياة ويدعمني ويساندني في كل حاجة".
من جانبها أكدت أمل والدة رحمة أنها تعتبر رحمة هي خير وسعادة لأسرتها، مستطردة "الأسرة اللي عندها طفل من متلازمة داون لازم يعرفوا أنهم مصدر سعادة في البيت وخير".
لتعقب رحمة "أمي هي حبيبتي وصحبتي، ماما مش مجرد كلمة، ماما بالنسبة ليا أختي أكبر سند وأكبر دعم وفعلا الجنة تحت أقدام الأمهات والأم مدرسة وهي تعبت كتير علشاني".
