بسمة وهبة عن قضية علاء عبد الفتاح: "محدش هيمشي كلمته على مصر" (فيديو)
شنت الإعلامية بسمة وهبة، هجومًا حادًا على علاء عبد الفتاح، قائلة: "سجين جنائى حاول التحريض ضد الوطن وشرطته وجيشه، لما تحرض على جيش وشرطتك بلدك، مين طيب اللي مأمنها، ويحمي 40 ألف ضيف في قمة المناخ؟.. ليه الجيش والشرطة؟.. دول العمود الفقري للدولة".
"محدش يقدر يمشى كلمته على مصر"
وتابعت "وهبة"، خلال برنامجها "90 دقيقة" المذاع على شاشة "المحور": "هؤلاء يسعون للهجوم ضد الجيش والشرطة.. طيب هي دي حقوق الإنسان اللي جايين تدافعوا عنها وبعدين تقولوا حرية رأي؟.. مش عاوزة أسمع حد يقولي حقوق إنسان تاني، عشان زهقت.. ومحدش يقدر يمشى كلمته على مصر".
القضاء المصري شامخ ونزيه
وشددت على أن القضاء المصري شامخ ونزيه، ولا يمكن لأي وطني محترم أن يتقبل ما حدث في مؤتمر سناء سيف، معقبة: "الكلاب تعوي والقافلة تسير.. وأصوات المخربين والفشلة وشلة الكومبارس تعوي وقافلة مصر نحو البناء والتنمية تسير".
