"الوزيرة وشخصيات كبيرة".. المطرب النقاش يكشف كواليس رفض مشاركته بحفل الأوبرا
كشف أحمد سالم، الشهير بـ "المطرب النقاش"، عن حقيقة رفضه المشاركة في الحفل الختامي لمهرجان الموسيقى العربية مع الفنانة أصالة قبل يوم واحد فقط من الحفل، رغم مشاركته في البروفات مع أصالة.
بروفات مع أصالة
وقال أحمد سالم، خلال مداخلة هاتفية ببرنامج "آخر النهار"، المذاع عبر فضائية "النهار"، مساء اليوم السبت: "جالي مكالمة من مكتب الفنانة أصالة، وقالوا لي عاوزينك تحضر معانا، والفنانة عاوزاك تحضر حفل ختام مهرجان الموسيقى العربية في الأوبرا، وأنا اتبسطت جدًا، وشرف كبير أطلع جنب أصالة، وفعلًا رُحت وحضرت البروفة في الأوبرا".
الوزيرة وشخصيات كبيرة
وتابع أحمد سالم: "قبل الحفل بيوم واحد فقط، يعني يوم الأربعاء، اتصل بي شخص من مكتب أصالة، وقالي إنت عندك مشكلة مع الأوبرا، ومش هينفع تطلع على المسرح بكرة، ولما حبيت أعرف ورُحت الأوبرا أسأل قالولي المهرجان هيبقى فيه الوزيرة وشخصيات كبيرة، ومش هينفع تطلع عشان إنت اسمك مش مصرح بيك تدخل".
واستطرد أحمد سالم: "الحمد لله على كل شيء، وربنا شايل ليا الأحسن، واللي أنا فهمته أن الفنانة أصالة عملت معايا كدة ومكنش عندها خلفية إني لازم يتم عمل التصريح ليا، وعملت كدة عشان تقف جنبي".
