عزة مصطفى: لو انت رفضت طريقة الإخوان تتلقى شتائم بأقذر الألفاظ
هاجمت الإعلامية عزة مصطفى، جماعة الإخوان الإرهابية، قائلة "هما الإخوان مش عاجبهم حاجة خالص كدة، وهل في بني آدم طبيعي بيبقى مش عاجبه ولا حكومة ولا جيش ولا شرطة ولا جامعات ولا زراعة ولا صناعة ولا مدن قديمة ولا جديدة ولا تعليم ولا صحة ولا برلمان ولا شيوخ ولا طرق ولا كباري ولا فنون ولا قانون ولا استثمار ولا سياسة ولا سياحة.. ولا ملاحة.. ولا مؤتمرات ولا سلاح ولا حاجة خالص.
لو انت رفضت طريقة الإخوان تتلقى شتائم بأقذر الألفاظ
وأضافت خلال تقديم برنامج "صالة التحرير"، المذاع على قناة صدى البلد، “طيب ما فكرتش تسأل الإخوان أيه اللي عاجبكم، دا حتى الشعب مش عاجبهم، ما دام ما سمعش كلامهم ومش معاهم في سكة الخراب والدمار، مشيرة إلى أن الاخوان لديهم طريقتين في التعامل مع الشعب، الأول أسلوب وطريقة قال الله وقال الرسول، كي يخطفون مستمعيهم في سكتهم ويوصلوا للحكم، وتم تجربة حكمهم الأسود”.
واستطردت الإعلامية عزة مصطفى، “لو انت رفضت طريقة الإخوان تتلقى شتائم بأقذر الألفاظ وإهانة وقلة أدب مُحرمة دنيا ودين"، مضيفة "فكروا وراجعوا ورايا اللي انا بقوله.. راجعوا فترة حكم الإخوان عندما حكموا مصر وراجعوا ورايا لما كل مرة بيحاولوا يسخنوا الناس ويحرضوا ضد البلد ولم يستجب لهم أحد، معلقة "افتكروا عملوا اية؟ شتموكم وشتموا الشعب بأقذر الالفاظ”.
عايزين يولعوا البلد
وأوضحت الإخوان عندما تولوا الحكم قالوا إنهم جاءوا ومعهم الخير لمصر، مضيفة "د شاف خير يا ولاد على رأي امينة رزق، "ما شوفناش غير الدم والقتل والسحل في الشوارع، مؤكدة أن المستفيد الأول والأخير والوحيد من الفوضى هما الإخوان فقط لا غير ومش هيفيدوك في حاجة خالص غير تسخينك ضد نفسك.
وأردفت عزة مصطفى، أن عناصر الإرهابية في مكالماتهم لبعض يقولوا عايزين نسخن الشعب والناس ونكرهم في حياتهم لغاية ما يولعوا في نفسهم وفي البلد، فكروني الاخوان نفعوكم في أيه، وباعوا الناس في لأحداث محمد محمود.. وكان الناس يبحثون عنهم بعدما سخنوهم ولكنهم لم يردوا، معلقة "فوقوا وافتكروا اللي حصل فيكم وفي ولادكم وفي بلدكم.. فكر وخد بالك أن الخائن والعميل ولا دين ولا ملة ولا رحمة ولا إنسانية لأنه يلعب دور مقابل اجر لما يخلص دوره اللي مشغلينه هيرموه رمية الكلاب ويبحثون على غيره".
